И оваа недела, во добро познатиот термин – 20:00 часот, Балкан Мјузик ТВ ве поканува на уште една незаборавна музичка дружба со новата епизода од серијалот „На здравје“.
Се радуваме што секоја недела сме дел од вашите домови и семејни моменти. Ова не е обична емисија – ова е музичка трпеза исполнета со емоции, пријателства, убави мисли и македонски песни што од срце се пеат. Овојпат сме подготвиле ексклузивна селекција на гости кои ќе ве развеселат, но и допрат до душата.
Со чашка добредојде и песна што обединува, ја славиме радоста на живеењето – онаа исконска, македонска, семејна топлина која не’ потсетува дека вреди да се слави секој миг.
Не ја пропуштајте новата епизода од “На здравје” – затоа што со музика, срце и луѓе кои знаат да дадат љубов, сè е поубаво.
Вечерва точно во 20:00 часот, само на Балкан Мјузик ТВ – нека ни е На здравје!
Текстот го подготви: ПР тимот на Балкан Мјузик
