По сумирањето на гласовите од стручното жири и публиката, донесена е конечната одлука – бендот „Лавина“ ќе ја претставува Србија на престојното издание на Eurovision Song Contest во Виена.
Вечер исполнета со емоции, неизвесност и силни музички настапи кулминираше со триумф на „Лавина“, кои убедливо ја освоија публиката, но и дел од жирито. По прогласувањето, фронтменот Лука Анѓелковиќ со солзи во очите им се заблагодари на сите што гласаа и веруваа во нив.
„Ова е победа на сите што ја чувствуваат музиката со срце“, изјави видно возбудениот пејач додека салата еруптираше од аплаузи.
Резултати од СМС-гласањето (публика)
- 1 поен (1952 гласа) – Jack Lupino,
- 2 поена (2239 гласа) – Lores,
- 3 поени (2316 гласа) – GemiNNi,
- 4 поени (2445 гласа) – Iva Grujin,
- 5 поени (4396 гласа) – Kosmos Trip,
- 6 поени (4454 гласа) – Zejna,
- 7 поени (4726 гласа) – Zona,
- 8 поени (6130 гласа) – Harem Girls,
- 10 поени (14.003 гласа) – Brat Pelin,
- 12 поени (29.759 гласа) – „Лавина“.
Со речиси 30 илјади гласови, „Лавина“ направи вистинска доминација кај публиката, освојувајќи максимални 12 поени.
Како гласаше стручниот жири?
Александра Ковач (претседателка на жирито):
- 8 поени – Lu-ka,
- 10 поени – „Лавина“ и
- 12 поени – Zejna.
Игор Паниќ – Nucci:
- 8 поени – Brat Pelin,
- 10 поени – „Лавина“ и
- 12 поени – Zejna.
Нина Радојичиќ:
- 8 поени – Zejna,
- 10 поени – Yanx и
- 12 поени – „Лавина“.
Алек Алексев:
- 8 поени – Zejna,
- 10 поени – Lu-ka и
- 12 поени – „Лавина“.
Zoe Kida:
- 8 поени – Yanx,
- 10 поени – Zejna и
- 12 поени – „Лавина“.
Иако Zejna доби значајна поддршка од жирито, конечниот збир од гласовите ѝ ја донесе победата на „Лавина“.
Победата на бендот „Лавина“ се смета за спој на современ звук, силен сценски настап и јасна авторска визија. Бендот веќе најави дека ќе работи на дополнително сценско унапредување на настапот за големата европска сцена.
Србија оваа година очекува силен пласман, а со оглед на убедливата поддршка од публиката, „Лавина“ во Виена ќе замине со ветер во грб.
Текстот го подготви: Иван Јосимовски
