По шест години, легендарниот Здравко Чолиќ се враќа во Скопје со спектакуларен концертен спектакл, овојпат во уникатно симфониско издание. По неодамнешното одложување на мартовските концерти, новите датуми се официјално закажани – 2, 3 и 4 јуни 2025 во арената „Борис Трајковски“.
Ова ќе биде историски момент за македонската публика, бидејќи за првпат Чолиќ настапува со симфониски оркестар, заедно со 50 врвни музичари, Новосадскиот биг бенд и оперскиот оркестар на СНП од Нови Сад. Под водство на диригентот Федор Вртачник, неговите најголеми хитови ќе добијат ново, грандиозно звучно руво.
Поради спецификата на концертот, арената „Борис Трајковски“ ќе биде целосно уредена со седишта, што значи ограничен број на билети. Првите два концерти се веќе распродадени, а за третиот (4 јуни) остануваат уште околу 500 влезници.
Ова е единствена можност да бидете дел од најексклузивниот музички настан во 2025 година. Осигурете си место и подгответе се за незаборавна вечер исполнета со емоции, носталгија и врвна уметност.
