Поп-ѕвездата Цеца Ражнатовиќ неодамна мина низ сложена хируршка интервенција во Истанбул, која според информациите траела цели осум часа. Иако по зафатот се огласи и изјави дека се чувствува добро, пејачката не сакаше да открие конкретни детали за самата операција.
Според медиумските извештаи, Цеца подолго време се соочувала со проблеми со кила на стомакот, а во повеќе наврати зборувала и за болки во кичмата, кои ги поврзувала со силиконските импланти. Сето тоа, најверојатно, довело до потребата за сериозен хируршки зафат.
Интервенцијата се одвивала под голема тајност, а јавноста дозна за неа дури преку емисијата „Ceca Show“, каде што беа прикажани ексклузивни делови од процесот. Вниманието на гледачите го привлече фактот што Цеца носеше медицински стегач преку градите – вообичаен реквизит после операции поврзани со импланти – што поттикна нови шпекулации дека пејачката можеби направила и корекција на градите.
Најголема поддршка во овие тешки моменти ѝ била сестра ѝ Лидија Оцоколиќ, која постојано била со неа. Двете заедно отпатувале во Истанбул, каде што Цеца успешно ја заврши операцијата, а според блиски извори, закрепнувањето тече според планот.
Текстот го подготви: Иван Јосимовски
