Македонската група Соната, заедно со актуелната и единствена Кате Брезева, го претставија својот најнов музички проект – сплет од кавери на познати македонски и светски хитови. Овој проект е реализиран во соработка со Арт Студио продукција, која се погрижи за снимањето, пост-продукцијата и визуелниот изглед на видеата.
Како што претходно изјавија за Балкан Мјузик, идејата за снимање на овој вид кавери доаѓа токму од вокалот на групата – Кате, се со цел да се следат најновите трендови во музичката индустрија.
„Публиката сè повеќе бара забавна музика, а ние сме подготвени да ја пренесеме таа енергија!“, истакнаа од Соната.
Аудио-снимањето на овој проект е реализирано во студиото на Цане Петров, кој воедно се појавува и како специјален гостин. Со ова, Соната и Кате Брезева уште еднаш докажуваат дека се во чекор со модерните музички текови, носејќи свежина и енергија на сцената.
Во продолжение, погледнете го сплетот од хитови и уживајте во новиот музички правец на Соната!
