Ниту оваа недела не изостанаа радоста, музиката и македонската традиција. Во уште една блескава епизода од најгледаната музичка емисија „На Здравје“, нашите домаќини – неуморниот Орде Неделковски и секогаш расположената група Круна.
Со мераклиското скопско оро ја започнавме новата епизода од четврттата сезона од најгледаната музичка емисија во Македонија и пошироко, “На Здравје”. Овој пат на нашата музичка сцена Влатко Ѓоргиев заедно со нашите и ваши домаќини групата Круна ја отворија емисијата со традиционално оро, носејќи ја атмосферата до врв уште од првата минута.
А потоа прв на сцената настапи талентираниот Чеде Спасиќ, кој со многу емоции ја отпеа трогателната песна „Поздрав праќам брате мој“, оставајќи ги гледачите без зборови. На емотивниот бран се надоврза и Горан Стоилков, кој со длабока искреност ја изведе баладата „Мој неспокој“.
Иако песната „Ах, вие луди млади години“ е полна со носталгија, Виолета Пандовска успеа да ја пренесе нејзината убавина на начин што предизвика тивко потпевнување во секој дом.
Момците од 4 You Бенд ја подигнаа атмосферата со фолклорната „Илчовице, млада невесто“, внесувајќи ведрина и живост на сцената. Секако, неизбежни се и група Круна, кои со „Китен девере“ буквално ги разиграа сите во студиото – и гледачите дома.
Заедно со група Круна, Емилија Иванова ја отпеа легендарната „А бре воденичаре“, пренесувајќи ја магијата на македонската народна традиција. А насмеаната и позитивна Елена Андоновска со својот настап внесе нова доза свежина во емисијата. Таа ја отпеа „Една желба имам“.
Автентичен и искрен, Дане Ќосески ја оживеа македонската традиција со „Павле ми пие“, песна што се пренесува со генерации. Со многу љубов и гордост, Јованка Јо ја изведе безвременската „Цело Скопје“, песна посветена на главниот град, оставајќи длабок впечаток.
Групата Круна ја затвори емисијата со веселата „Лено, Ленче мамино девојче“, а како шлаг на тортата – Идает Сејфулов заедно со група Круна ја отсвиреа „Веселата гајда“, оро кое ги крена сите на нозе.
Емоции, радост, традиција и извонредни гласови ја обликуваа оваа епизода која сигурно ќе се памети долго. Со нетрпение ја очекуваме следната недела, новата доза македонска музика и вистинска естрадна магија. А до тогаш, следете го нашиот портал „Балкан Мјузик“ за ексклузивни вести, интервјуа и моменти зад сцената од „На Здравје“ и македонската музичка сцена.
Текстот го подготви: ПР тимот на Балкан Мјузик ТВ
