Дара Бубамара по 32 години кариера и 8 години од издавањето на последниот албум го објави својот нов, 13-ти по ред студиски албум под наслов „2025“. Новиот албум на Дара е под издание на City Records. Албумот содржи 12 сосема нови песни, а Дара уште еднаш покажа и докажа дека таа „владее“ над многу жанрови и стилови на пеење. Докажаните соработници и младата сила на авторот, го направија новиот албум на Дара да го најде патот дури и до оние најпробирливи слушатели и љубители на музика.
Имено, публиката од различни возрасти и вкусови на музика даде фантастични коментари за новиот албум на Дара, а тоа го потврдува и статусот дека Дара е една од највлијателните пејачки на балканската музичка сцена.
Албумот „2025“ на Дара е пропратен со модерни музички спотови како и визуелни слики за спотовите од секоја песна, а албумот доби и физичко издание, односно ЦД кое може да се купи во сите продажни места на City Records, и он-лајн преку нивната продажна мрежа.
Од City Records за медиумите велат дека ова е специјално задоволство на сите фанови на Дара, а според нив тие едвај чекаат да ги слушнат впечатоците на слушателите и гледачите.
„Ова е специјално задоволство за најверните фанови и сите љубители на тој вид музика. Ние едвај чекаме да ги слушнеме впечатоците на слушателите и гледачите, а и на цела публика. Исто така на сите им препорачуваме да ги погледнат визулените слики и да уживаат во најновите видео-спотови од најновиот албум на Дара насловен како „2025“, велат од City Records.
