Во новата, втора епизода од петтата сезона на најгледаната музичка емисија во Македонија – „На здравје“, повторно ќе почувствуваме зошто оваа емисија е омилен дел од неделните вечери. Екипата на Балкан Мјузик телевизија и овој пат ни подготви емисија исполнета со топлина, убави моменти и најдобрите звуци од македонската народна музика.
Во духот на есента, оваа епизода носи вистинска раскош на бои и чувства. Камерите ја доловуваат магијата на есенскиот пејзаж, каде што природната убавина и музиката се спојуваат во совршена хармонија. На оваа топла и позитивна атмосфера, тимот на „На здравје“ ѝ додава уште еден незаменлив елемент – чашата со која секогаш се наздравува на убави моменти и искрени пријателства.
Гостите во оваа епизода се добро познати на љубителите на народната песна – група „Плетенка“ која овој пат ги продружува нашите добро одбрани музички гости, која со својот препознатлив звук и енергија повторно ја оживува македонската музичка традиција. Ќе слушнеме омилени народни песни, но и неколку изведби кои ќе ве изненадат со својата свежина и емоција.
Со музика, насмевки и позитивна енергија, „На здравје“ уште еднаш потсетува дека македонската песна е вечна, а наздравицата – симбол на пријателство и љубов.
Не пропуштајте ја новата епизода оваа недела, ексклузивно на Балкан Мјузик телевизија со почеток во 20 часот!
Текстот го подготви: Иван Јосимовски
