Општина Неготино и оваа година ја организира традиционалната „Неготинската музичка вечер“, која ќе се одржи на 19-ти септември на градскиот плоштад со почеток во 21:30 часот и ќе донесе вистински спектакл за сите генерации.
На сцената најпрво ќе настапи Жаре бербер, кој ќе ја загрее публиката со својот препознатлив стил. Главната ѕвезда на вечерта е една и единствена – Милица Павловиќ, чиј настап ветува врела атмосфера и хитови што сите ги пееме. А за финале, забавата продолжува до доцна во ноќта со сетови на ди-џеј Тодороф, кој ќе донесе урбани звуци и одличен парти-шмек.
Водител на вечерта ќе биде Стефан Лазаров.
Општина Неготино упатува јавна покана до сите граѓани – од Неготино, соседните општини, па и од цела Македонија:
„Дојдете да ја почувствувате магијата на музиката, да пееме и да се забавуваме заедно под отворено небо!“.
Текстот го подготви: Иван Јосимовски
