Неда Украден уште еднаш покажа дека возраста е само бројка. Регионалната музичка дива вчера го прослави својот 75-ти роденден, и тоа на препознатлив начин – на плажа, во бикини, со насмевка на лицето и во друштво на најблиските.
Како и секоја година, и овојпат Неда одбра да слави во природен амбиент, на црногорското приморје, окружена со љубов, радост и семејна топлина.
„Денес славам љубов, радост и благодарност – кон Бога и кон сите кои ми пружија љубов и поддршка, за денес да се радувам среќна и опкружена со моите најмили“, напиша пејачката на социјалните мрежи.
Фотографиите што ги сподели веднаш предизвикаа лавина од коментари. Нејзините обожаватели ја нарекоа „жена лавица“, „кралица која не старее“ и „пример за сила и енергија“. Мнозина истакнаа дека Неда и денес зрачи со младешки дух и недопирлива самодоверба.
Украден откри дека најголемиот подарок ѝ е времето поминато со ќерката Јелена и трите внучиња, со кои споделува среќа во сите важни животни моменти. Со тоа уште еднаш докажа дека, покрај успешната кариера и статусот на легенда во музичкиот свет, семејството е нејзината најголема радост и извор на сила.
Текстот го подготви: Иван Јосимовски
