И оваа недела, на добро познатата фреквенција Балкан Мјузик ТВ и во секогаш очекуваниот термин 20 часот, публиката повторно ќе ужива во свежа епизода од омилениот музички серијал „На Здравје“.
Како што летото сѐ посмело се прошета низ македонските сокаци, паркови и летни градини, така и оваа епизода носи освежување преку музика – разиграни ритми, искрени емоции и вечно млади македонски хитови.
Со гости кои знаат како да ја разиграат атмосферата и домаќини што од срце пречекуваат, „На Здравје“ повторно ги отвора вратите на најдоброто од домашната музичка сцена. Во студиото ќе одекнуваат весели, топли и носталгични звуци кои потсетуваат дека македонската песна живее – и не се заборава.
Не пропуштајте – вечерва од 20 часот на Балкан Мјузик ТВ, под некоја ладна сенка или со чаша во рака, пуштете ја омилената фреквенција и нека започне уште една музичка наздравица. Бидејќи, како што ние велиме – нека ни е на здравје!
Текстот го подготви: ПР тимот на Балкан Мјузик ТВ
