Ако мислевте дека сме ве заборавиле, се лажете! И вечерва, точно во 20:00 часот, најдобрата и единствена музичка телевизија Балкан Мјузик ви подготви нова епизода од омилениот серијал „На Здравје“ – емисија која не само што забавува, туку и допира до срцето.
Очекувајте вечер исполнета со многу музика, хитови, рефрени кои будат спомени, и песни што понекогаш тивко, но моќно, ја разбудуваат секоја емоција. Тие моменти кога солзата сама се спушта по образите – тоа е магијата на „На Здравје“.
Водени од вербата во добрината и заедништвото, со позитивна мисла и енергија што инспирира, оваа емисија потсетува дека човекот е создаден за убави работи – убави пријателства, моменти и сеќавања.
И вечерва, домаќини на забавата се неповторливата група Круна и харизматичниот Орде Неделковски, а на сцената ќе им се придружат внимателно одбрани музички гости кои ќе внесат свежина и душа во секој тон.
Не заборавајте – вечерва, 20 часот, само на Балкан Мјузик.
„На Здравје“ – каде што музиката станува емоција, а емоцијата – спомен за цел живот.
Подготви: ПР тимот на Балкан Мјузик ТВ
