Поради трагедијата во Кочани, организаторите и менаџментот на „Бијело дугме“ донесоа одлука да го презакажат концертот во Скопје, кој првично беше закажан за 12 април. Новиот датум за настапот во арената „Борис Трајковски“ е 31 мај 2025 година.
„Во овие чувствителни моменти, сметаме дека е прерано за концерт. Токму затоа, заедно со ‘Бијело дугме’, одлучивме настапот да го одложиме. Сите купени билети остануваат важечки за новиот датум“, соопштија од Прагма продукција.
Од продукцијата додаваат дека интересот за концертот е огромен и дека билетите се при крај. „Ви благодариме на разбирањето и се гледаме на 31 мај!“, порачаа организаторите.
