По еуфоријата и одличната атмосфера која ја носи „Пауза за ракија 2“, празничната музичка приказна продолжува со уште една содржина која ветува многу емоции, забава и песна.
Во 18:00 часот, шоуто го превзема Модерато Бенд – бенд кој знае како да ја погоди вистинската нота и да ја разбуди публиката. Со внимателно одбран репертоар од македонски хитови, песни што ги знаеме сите и кои се пеат гласно – од генерација до генерација – тие ќе ви подарат вистинско музичко попладне.
Очекувајте микс од евергрини и актуелни хитови, добро познати рефрени и онаа посебна енергија што создава чувство дека сте дел од една голема музичка дружба. Ова нема да биде само шоу – ова е момент за уживање, потпевнување и позитивна атмосфера која ќе ви го разубави празничниот ден.
Подгответе се за уште едно незаборавно доживување – затоа што кога свири Модерато Бенд, забавата е загарантирана!
Текстот го подготви: Иван Јосимовски
