Нашата велигденска празнична програма оваа година започнува со вистински музички бисер. Во недела, на 12 април 2026 година, точно во 15 часот, подгответе се за едно незаборавно доживување – „Пауза за ракија 2“.
Овој уникатен музички проект го предводи виртуозот на хармоника, маестро Игор Димовски, кој заедно со своите блиски соработници, пријатели и колеги создава атмосфера што не се опишува – туку се чувствува. Снимен во магичниот амбиент на Свети Наум и Охрид, проектот носи спој од природна убавина, традиција и музика која директно допира до срцето. Секоја нота, секој ритам и секоја изведба е исполнета со топлина, страст и онаа препознатлива македонска емоција.
„Пауза за ракија 2“ со внимателно одбран репертоар и оригинален стил на изведба, оваа екипа создава звук кој е и традиционален и свеж во исто време. Во духот на Велигден, со многу позитивна енергија, насмевки и добро расположение, оваа музичка приказна ќе внесе топлина во секој дом. Идеална причина да го соберете семејство, да наздравите и да уживате во вистинска македонска атмосфера.
Не заборавајте – „Пауза за ракија 2“, недела во 15 часот, на првиот ден од најголемиот христијански празник – Велигден, само на Балкан Мјузик телевизија.
Текстот го подготви: Иван Јосимовски
