Српскиот рапер Михајло Веруовиќ – Војаж откри дека неговата врска со Тамара Кујачиќ е завршена, нагласувајќи дека разделбата била мирна и без несогласувања.
„Се разделивме сосема нормално, помина некое време. Решив да се посветам на кариерата и да работам на себе во наредниот период. Ми претстои и филмска улога, но сѐ уште не можам да зборувам за тоа, и нов албум до крајот на годината“, изјави Војаж за Информер.
Раперот претходно сподели дека љубовта на далечина била еден од предизвиците во врската, но секогаш верувал во нејзината сила.
„Нејзе и замерувам што живее на 2000 километри од мене. Но, љубовта нема граници и јас се залагам за тоа. Кога некој доволно се сака себеси, нема граници“, изјави тој во „Цеца шоу“.
Покрај музиката, Војаж ќе се фокусира и на нови проекти, а со нетрпение очекува да го сподели својот следен чекор со фановите.
