Со посветеност кон негата на македонската народна и авторска музика, „4U Band“ повторно го воодушевува својот верен аудиториум со нов проект – „Свадбарски сплет“, збир од девет добро познати и омилени песни кои се нераскинлив дел од секоја македонска свадба и семејна веселба.
Снимано во студиото на Мендо Ташкоски – „MT music studio“ во Прилеп, и визуелно оживеано преку продукцијата на Арт Студио продукција и BalkanMusicTV, овој проект е уште една потврда за исклучителната музичка енергија, професионалност и љубовта на бендот кон домашниот фолклор.
Со внимателно избран репертоар, „4U Band“ донесува нов живот на познатите хитови како што се:
- „Жени ме мамо“ – Влатко Миладиновски
- „Сите мои другари“ – Ѓоко Дончев
- „Една наша свадбарска“ – Анета и Молика
- „Ајде брате“ – Влатко Миладиновски
- „Ништо без народно“ – Татјана Лазаревска
- „Македонки билбилјанки“ – Македонски мерак
- „Што имала к’смет Стамена“ – Народна
- „Жени се радо мори“ – Ванчо Тарабунов
- „Да ми пукнеш мила мамо“ – Народна
„Негувањето на македонската музичка традиција за нас е вистинско задоволство. Овој сплет е посветен на сите што прославуваат љубов, на кумовите, старосватовите, деверите, и на сите љубители на песната што душата ја грее“, велат од „4U Band“.
Овој проект е дел од пошироката мисија на бендот – да ја зачува и пренесе македонската музичка традиција на новите генерации, но и да ја адаптира за модерниот слух без да ја изгуби нејзината суштина.
Публиката може да очекува уште многу изненадувања и нови проекти од „4U Band“ во блиска иднина. Во исчекување на новиот народен „Свадбарски сплет“, слушајте, пејте и уживајте во песната што освојува во изведба на „4U Band“.
