Сплитската пејачка Северина одржа спектакуларен концерт во Крањ, Словенија, исполнувајќи ја вечерта со емоции, енергија и безвременски хитови.
На својот Инстаграм-профил, таа сподели моменти од настапот и изрази воодушевување што нејзината музика и понатаму ги поврзува луѓето, без оглед на јазичните бариери.
„Имам многу среќа и толку ми е убаво да видам дека, иако долго време не го предаваат мојот јазик во училиштата, Словенците ги знаат, пеат и ги разбираат моите песни… Уште повеќе овие млади луѓе… Музиката навистина не познава граници“, напиша Северина.
Со ова, таа уште еднаш покажа дека нејзината музика ја надминува секоја граница и продолжува да инспирира генерации низ целиот регион.
