Македонската песна повторно го добива заслуженото место во уште едно ново издание на емисијата „На здравје“, која и оваа недела ќе понуди вистинско музичко уживање за сите генерации.
Гледачите ќе имаат можност да уживаат во внимателно избрани македонски песни, изведени од квалитетни домашни музички имиња кои со своите интерпретации ја негуваат и продолжуваат богатата македонска музичка традиција.
Во пријатна атмосфера, исполнета со добра музика, искрен разговор, позитивна енергија и почит кон домашното музичко творештво, „На Здравје“ уште еднаш ќе покаже зошто е една од најгледаните музичко-забавни емисии кај нас. Доколку сте љубители на македонската песна, традицијата и добрата забава, не пропуштајте уште едно прекрасно неделно дружење.
„На здравје“ – оваа недела, 14 јуни, само на Балкан Мјузик телевизија.
Уживајте во најубавите македонски мелодии, добриот збор и атмосферата која секогаш ги спојува љубителите на домашната музика.
Текстот го подготви: Иван Јосимовски
