Сопственикот и директор на HYPE TV, Саша Мирковиќ, вчера вечер преку својот TikTok профил сподели шокантна вест поврзана со музичката легенда Лепа Брена.
Според неговите зборови, целиот нејзин тим – бек вокалите, музичарите, менаџерите и останатите членови на екипата – поднел оставка и повеќе нема да соработува со неа.
„Ова е најновата вест! Целиот тим на Лепа Брена вечерва си даде отказ. Бек вокалите, музичарите, менаџерите и сите членови на екипата ѝ се заблагодарија за 16-годишната соработка и заминаа. Ова е уште еден доказ дека сè што зборував е вистина. Кој не верува, ќе види утре“, изјави Мирковиќ во видеото.
Сè уште нема официјална реакција од Лепа Брена, а јавноста со нетрпение го очекува нејзиниот одговор на овие наводи.
