По романтичната прошетка низ Венеција со „Љубовта е сè што имаме“, музичкиот тандем Кристина и Слободан Трајанов од групата „Крешендо“ повторно удира во срце, ама овојпат со нова емотивна приказна – “Ќерката ни порасна”.
Видеоспотот за оваа песна се снимаше на атрактивни локации во Солун и на егзотичната плажа Сахара, а за магијата зад камерата се погрижи кој друг ако не тимот на Арт Студио продукција – најдобрите од најдобрите!
Во главните улоги се најдоа стилистите Ана Марија и Филип, кои совршено ја доловија приказната за ќерката која порасна и го најде својот животен сопатник.
Музиката носи потпис на Слободан Трајанов, текстот и аранжманот се дело на Љупчо Соколовски Бубе и Слободан Трајанов, а сè беше магично обликувано во студиото City Sound.
Со овој спот, „Крешендо“ уште еднаш докажуваат дека музиката не е само звук – туку емоција, приказна и патување низ најубавите моменти на животот, а во нестрпливо исчекување на истот, на кратко да ве потсетиме на љубовта, магијата и емоциите од Венеција и видеоспотот за песната „Љубовта е сè што имаме“.
