За првпат во живо, со голем филмски оркестар, на 6-ти април, македонскиот музички визионер Кирил Џајковски ќе ја оживее својата филмска музика во величествен концерт кој ќе ја одбележи неговата 25-годишна кариера во светот на филмот.
Во придружба на 30-член оркестар, под диригентската палка на Џијан Емин, Џајковски ќе ги изведе легендарните музички теми од култни филмови како: „Големата вода“, „Прашина“, „Сенки“, „Балканот не е мртов“, „Врба“, „Бал-кан-кан“, „Трето полувреме“ и многу други.
Познат како еден од најценетите електронски артисти од регионот, Џајковски преку овој концерт ќе понуди ретроспектива на својата богата филмска кариера, комбинирајќи електронски звуци со симфониска моќ, создавајќи музичка магија која ќе ги однесе слушателите на незаборавно патување низ неговата уметност.
