Новак Ѓоковиќ повторно го освои интернетот – овој пат не со форхенд, туку со грчко оро. Српската тениска легенда, која неодамна се пресели во Атина, со огромен ентузијазам ја прифаќа новата средина, а Грците очигледно веќе го чувствуваат како свој.
Во еден атински локал владееше вистински спектакл. На сцената настапуваше грчката поп ѕвезда Константинос Аргирос, а публиката доби шоу какво ретко се гледа. Кога од звучниците застана српската песна „Ej, od kad sam se rodio“, Аргирос го прегрна Ноле, а тие двајца започнаа да пеат и се смеат како стари пријатели. Но, вистинската магија започна кога музиката се префрли во традиционален грчки ритам. За неколку секунди, Новак се најде во круг – и совршено ги фати чекорите на сиртаки. Публиката воодушевено аплаудираше, а многумина коментираа дека Ноле „веќе е половина Грк“.
Снимките од вечерта експресно се проширија на социјалните мрежи. Под видеата се редеа коментари:
- „Двете најомилени личности во Србија и Грција!“
- „Најдобриот со најдобриот!“
- „Ноле ја крена атмосферата на ниво!“
Аргирос, секако, не пропушти да се слика со својот славен гостин. Фотографијата веднаш заврши на неговото Инстаграм Стори – уште еден доказ дека меѓу нив владее вистинска пријателска енергија.
Откако се пресели во грчката престолнина, Ѓоковиќ активно ја истражува културата, традицијата и историјата на земјата. Објавува фотографии од знаменитости, ужива во локалната кујна, а сега покажа дека се снаоѓа и на танц-под. Судејќи по реакциите на Грците, Ноле не само што е топло пречекан – туку веќе стана дел од секојдневието на Атина.
Текстот го подготви: Иван Јосимовски
