Ова лето, срцето на македонската фолк музика ќе чука во Битола. На 13-ти август, со почеток во 20:30 часот, ракометното игралиште во градот ќе биде домаќин на големиот Ревијален Телевизиски Фестивал, организиран по повод импресивниот јубилеј – 35 години од основањето на Модното студио „Шанел“ од Битола.
Настанот ветува незаборавна вечер исполнета со музика, емоции и стил, на која ќе настапат некои од најпознатите и најпочитуваните имиња од македонската фолк сцена. Публиката ќе има можност да ужива во хитовите на Јордан Митев, Татјана Лазаревска, Туше, Катерина Брезева, Елена Велевска, Благица Павловска, Дејан Чуле и уште многу други музички ѕвезди.
Сцената ќе биде збогатена и со харизмата на легендарните водители Саше и Валентина од „Солза и Смеа“, кои со својата духовитост и позитивна енергија ќе ја одржуваат атмосферата на највисоко ниво.
Овој фестивал не е само концерт – тоа е прослава на долгогодишна работа, посветеност и љубов кон модата и уметноста. Модното студио „Шанел“ веќе три и пол децении создава неповторливи модни приказни, а овој пат ќе ги спои музиката, модата и забавата во едно незаборавно доживување.
Настанот ќе биде реализиран, снимен и дополнително емитуван од Балкан Мјузик телевизија, во соработка со Арт Студио продукција, за да можат и оние што нема да бидат присутни во Битола да го доживеат овој незаборавен момент.
Влезниците се веќе во продажба, а интересот е голем. Организаторите порачуваат: „Подгответе се за вечер полна со музика, забава и стил – вечер што долго ќе се памети!“.
Текстот го подготви: ПР тимот на Балкан Мјузик ТВ
