„Нека ни е на здравје“ – поздравот по кој е препознатлив најгледаниот македонски музички серијал „На Здравје“, и оваа недела повторно ќе ги отвори вратите на добрата песна, убавото расположение и вистинските семејни вредности.
Во новата епизода, која ќе се емитува во сабота, на 7 јуни, со почеток во 20:00 часот на Балкан Мјузик ТВ, гледачите ќе имаат можност да уживаат во богата музичка програма, искрени разговори, позитивна атмосфера и дружење со познати и омилени гости.
„На Здравје“ со години успешно ја негува македонската музичка традиција, создавајќи простор каде што песната ги обединува генерациите, а семејството и заедништвото остануваат во центарот на вниманието. Токму затоа секоја епизода претставува вистинска прослава на музиката, културата и животните вредности.
Очекувајте многу насмевки, емотивни моменти, познати мелодии и уште една вечер исполнета со содржини кои се паметат. Затоа, резервирајте ја неделната вечер за најубавата музичка дружба и бидете дел од новата епизода на „На Здравје“.
Нека ни е на здравје!
Текстот го подготви: Иван Јосимовски
