И оваа недела, на добро познатата фреквенција на Балкан Мјузик телевизија, точно во 20 часот, ве очекува ново, возбудливо издание од омилениот музички серијал – „На здравје“.
Подгответе се за вечер исполнета со македонска убава и квалитетна музика, настапи од врвни изведувачи и атмосфера што ќе ве натера да запеете, да се насмеете и едноставно – да уживате.
„На здравје“ не е само емисија – тоа е место каде што музиката зборува погласно од зборовите, каде што секоја песна раскажува приказна, а секој разговор носи искреност и топлина. Тука дружењето е природно, насмевките се вистински, а времето минува побрзо од омилен рефрен.
Со препознатливата домашна атмосфера и енергија што ги обединува сите генерации, ова шоу останува симбол на вистинска забава за целото семејство.
Не пропуштајте – „На здравје“ во недела во 20:00 часот, само на Балкан Мјузик телевизија.
Текстот го подготви: Иван Јосимовски
