Уште една година останува зад нас, а музичкиот серијал „На Здравје“ традиционално ја заокружува 2025 година со посебна, новогодишна епизода исполнета со радост, песна и позитивна енергија.
Во последното издание за оваа година, гледачите ќе уживаат во вистинска празнична атмосфера – ќе се радуваме, ќе пееме и ќе наздравуваме за сè што ни донесува Новата година. Новогодишниот дух веќе се чувствува насекаде, а студиото на „На Здравје“ пулсира со еуфорија, смеа и музика која ги спојува генерациите.
Последните подготовки за највеселата ноќ во годината се при крај, а започнуваат деновите кога славењето станува заеднички јазик на сите. Токму затоа, оваа епизода носи посебна магија – комбинација од добро расположение, препознатливи мелодии и празнична топлина.
Не пропуштајте ја новогодишната епизода на „На Здравје“, во недела 28-ми декември со почеток од 20 часот на Балкан Мјузик телевизија, каде што со музика и насмевки ќе ја испратиме старата и ќе ја пречекаме Новата година.
Текстот го подготви: Иван Јосимовски
