И оваа недела, Балкан Мјузик телевизија останува ваш верен пријател и сигурна дестинација за добра музика, позитивна енергија и пријатно расположение. Точно во 20 часот, на програмата е новата епизода од омилениот музички серијал „На здравје“, кој со години успешно ја негува македонската музичка традиција и домашниот дух.
Во пресрет на новогодишните празници кои се пред нас, екипата на „На здравје“ полека ја загрева атмосферата и внесува топлина во овие студени и магливи денови. Гледачите ги очекува внимателно избрана македонска музика, искрена емоција и чувство на блискост, токму она што му е потребно на секој дом во овој период од годината. Новата епизода носи пријатно, домашно расположение, со песни кои будат спомени и насмевки создавајќи совршена музичка приказна за неделна вечер со семејството и пријателите.
„На здравје“ и овој пат останува верен на својата мисија – да ја спои публиката со убавата македонска музика и да потсети дека најубавите моменти се оние споделени со добра песна.
Не пропуштајте – „На здравје“, на Балкан Мјузик телевизија, недела 21 декември со почеток во 20 часот. Нека ни е на здравје!
Текстот го подготви: Иван Јосимовски
