Во време кога традицијата полека ѝ попушта на модерната музика, постои серијал кој упорно и достоинствено го чува коренот – „На Здравје“, најгледаната музичка емисија во Македонија. Оваа недела, точно во добро познатиот термин – 20 часот на Балкан Мјузик Телевизија – ќе се емитува 10-тата епизода од најновата, петта сезона.
Народната песна од секогаш била најсилната слика за идентитетот и духот на нашиот народ. Токму затоа „На Здравје“ продолжува да го одржува амбиентот на вистинската изворна атмосфера – топла, игрива и исполнета со емоција. Новото издание ветува богата селекција на песни, внимателно подготвен репертоар и гостувања кои ја слават македонската музичка традиција.
Публиката и оваа недела може да очекува врвен звук, автентичен оркестар, харизматични изведувачи и атмосфера што потсетува на старите веселби, каде песната и играта се спојуваат во едно. „На Здравје“ со години наназад го потврдува статусот на мост помеѓу генерациите, носејќи ја народната песна во секој дом и правејќи ја повторно модерна.
Новата епизода е уште една можност да се почувствува богатството на нашиот културен код – затоа недела, 20 часот, Балкан Мјузик Телевизија – место каде традицијата живее.
Доаѓаат најубавите звуци. На здравје!
Текстот го подготви: Иван Јосимовски
