Александар Јосифовски, еден од најавтентичните рок изведувачи што произлегле од „Ѕвездите на Гранд“, повторно ги изненади своите обожаватели. Наместо вообичаените енергични настапи и рок ритам, овојпат тој претставува смирена, емотивна балада со длабока лирика и впечатлив вокал.
Новата песна, насловена „Твој сам промашај“, е отпеана на српски јазик како дел од стратегијата на Јосифовски за освојување на регионалната публика. Музиката ја компонирал самиот тој, додека емотивниот текст е дело на неговата мајка, Елизабета Јосифовска Недановска.
Песната веднаш привлече внимание, а многумина ја нарекоа „најемотивната балада во последно време“, споредувајќи го неговиот вокал со Саша Ковачевиќ.
Видеото за „Твој сам промашај“ е снимено во родниот град на Александар – Охрид, под режија на Кристијан Љушев. Покрај пејачот, во спотот се појавуваат два женски лика – моделот Ивона Јованова и познатата македонска мисица, модел и ТВ-водителка, Вера Мештеровиќ.
Погледнете го видеото и дозволете си да бидете понесени од емоцијата на новата песна на Александар Јосифовски.
