И кога сме помалку, и кога сме со помал темперамент секогаш разговорот знае да биде интересен и да го задржи вниманието на гледачите. Доказ за тоа е вечерашното издание на емисијата “7/8” во која на гости и “чашка муабет” ни дојдоа Катерина Танева и Александар Ицов. Секој наш гостин има што да раскаже, со што да се пофали и некогаш спонтано излегуваат најразлични приказни од животот за што секако е најзаслужна нашата водителка Анита Даева…тука е да потпраша, да исчепка, да насмее и да ужива во музичките точки онака со цело срце. За оние што не ги познаваат добро, вечерва со нас ќе бидат:
-Катерина Танева- по потекло од историска Ваташа, ја испеа безвременската “Запри дожду”, некогаш со месеци отсутна од дома, а сега во потполност посветена на своето семејство, вели дека повеќе сака да и доаѓаат гости отколку таа да излегува од дома, несудена пејачка на групата “Магазин”(ќе ни раскаже и зошто), вечерта премиерно ќе ја слушнеме нејзината песна “Цутат липи, цути рузмарин” (онака во нејзин стил)…
-Александар Ицов – по потекло од Радовиш, магистер по народни инструменти, работи како наставник по музичко образование во ООУ “Крсте Петков Мисирков” во Радовиш, свири на пет инструменти но најголема љубов му е хармониката, во септември го издаде своето прво цеде насловено како “Николова единаесетка” од кое ќе имаме можност да слушнеме три ора…
-Слободанка Танева – гостинка на минување, внука на нашата Кате, покрај фестивалската “Зад погледот твој” ќе ја исполни и “Запри дожду” во дует со својата тетка…
-Анета, Јовица и група “Молика” – наши музички домаќини кои за вечерва ги одбраа “Жировница”, “Први на овоме свету”, “Блазе на ергените” и “Лепотан”…
Вечерва во 20 часот после сите вести и теми за дилеми сме ние…музичко забавно шоу “7/8”, шоу кое ќе ве опушти, насмее и релаксира со многу музика…фреквенција BalkanMusicTv…се гледаме!!!
