Кога на едно место ќе се соберат повеќе распеани грла, дојдени со желба да ни подарат нови стихови и ноти, тогаш за сите нас е празник на музиката. Само таа со првите тактови и ритмови може да предизвика чувство на радост и задоволство, чувство дека во тој момент постоиме само ние и таа. И затоа, секогаш кога се свири и пее, дружи и сплотува, велиме дека е исто како на празник…посебно, свечено и со голема верба за уште подобро и повесело…
На големо задоволство на сите обожаватели и следачи на популарниот “Лешочки Фолк Фест”, како и на нашите верни гледачи на BalkanMusicTv, денес ќе можете да го проследите неговото ново јубилејно ревијално издание. И оваа година ќе имаме можност да уживаме во 11-те новонастани нумери кои ќе донесат нова свежина на музичката сцена, како и во 9-те хитови испеани од минатите изданија кои оставиле белег со своите зборови и изведби. Вечерва на едно место ќе се вкрстат зрелоста и младоста, успешноста и истрајноста…да се слушне и овојпат надалеку звукот на македонската песна, онаа што не држи заедно и одржува сеуште во живот. А за тоа ќе бидат заслужни следните звучни музички имиња и изведувачи:
1. ДАРКО ДИМИТРИЕВСКИ – ЉУБОВТА
Дарко Димитриевски – Бранко Николовски – Дарко Димитриевски
2. СТОЈНЕ НИКОЛОВА – КАНЕТЕ ГОСТИ НА МЕКИЦИ
Борчо Димитров – Ратко Спасовски – Бобан Мојсовски
3. ПЕРО ХРИСТОВ – ДЕН ЗА ВЕСЕЛБА
Перо Христов – Ѓорѓи Калајџиев – Серафим Костов
4. БОБАН ВЕЛЈАНОВСКИ – АЈДЕ БАБО ЗАИГРАЈ
Јован Василевски – Мирослав Гавровски – Јован Василевски
5. КРУМЕ СПАСОВСКИ – ЗА ПРВИЧЕ
Мендo Ташковски – Бранко Николовски – Мендo Ташковски
6. МИЛИЦА КУЗМАНОВСКА – ЗАПЕЈ СРЦЕ МОЕ
Гоце Џуклески – Милица Кузмановска – Сашо Ливрински
7. ТРИО ГАВРОВСКИ – МАКЕДОНИЈО
Јован Василевски – Мирослав Гавровски – Јован Василевски
8. СПАСЕН СИЉАНОСКИ – АХ, ДА СЕ ВРАТИ ВРЕМЕТО
Спасен Сиљаноски – Јагода Сиљаноска – Љупчо Павловски
9. ДАЛИБОР ЃОШИЌ – ВЕЧНА ЗЕМЈА
Далибор Ѓошиќ – Далибор Ѓошиќ и Анита Даева – Далибор Ѓошиќ
10. СУЗАНА СПАСОВСКА – ДЕВЕРЕ, ДЕВЕРЕ
Слаѓан Станишковски – Сузана Спасовска – Слаѓан Станишковски
11. ТРИО КЛАДЕНЕЦ – СОКОЛЕ
Јован Василевски – Трио Кладенец – Јован Василевски
12. ЉУПЧО ЃEОРГИЕВ – НОТИ ТИ (Лешочки Фолк Фест 2010)
М. Барбаровски – О. Неделковски
13. БЛАГА ПЕТРЕСКА – ЗА МАКЕДОНИЈА (Лешочки Фолк Фест 2011)
М. Барбаровски – О. Ангелеска – М. Барбаровски
14. ГРУПА СОНАТА – КАДЕ СИ (Лешочки Фолк Фест 2012)
Тодор Трајчевски – Ели Танасковска – Тодор Трајчевски
15. КАТЕ И НЕЛИ ТИ РЕКОВ – ПИСМО ОД ТУЃИНА (Лешочки Фолк Фест 2013)
Сашко Велков – Орце Зафировски – Сашко Велков
16. ВЛАТКО МИЛАДИНОВСКИ – РАКИЈО, ЖОЛТА МАГИЈО (Лешочки Фолк Фест 2013)
Златко Миладиновски – Ѓорѓи Калајџиев – Златко Миладиновски
17. ДУШКО ГЕОРГИЕВСКИ – ПЕЛИН НЕДА (Лешочки Фолк Фест 2014)
Соња Јанакиевска – Соња Јанакиевска – Златко Миладиновски
18. МАРИЈА ПЕТКОВСКА – ПУСТА ЖЕЛБА (Лешочки Фолк Фест 2015)
Павле Трајков – Андријана Миленковска – Павле Трајков
19. ГРУПА АКАДЕМЦИ – НАЈУБАВАТА (Лешочки Фолк Фест 2018)
Сашо Ливрински – Oрце Зафировски – Сашо Ливрински
20. СУЗАНА СПАСОВСКА – СРЕЌО МАЈКИНА (Лешочки Фолк Фест 2019)
Дејан Миленковски – Сузана Спасовска – Дејан Миленковски
“Лешочкиот Фолк Фест” низ сите овие години го организира здружението за негување на македонскиот фолклор и традиција “Источник”, секако под будното око и целосна посветеност на фестивалските директори Борче Брзанов и Сузана Спасовска. Неговата нова концепција успешно се реализира во соработка со “Арт студио” – продукција и BalkanMusicTv и истиот гледачите ќе можат да го проследат преку фреквенцијата и на ФБ страната на BalkanMusicTv, ФБ страната на “Лешочкиот Фолк Фест” и како видео проекција на отворената сцена во лешочкиот манастирски комплекс…на огромно задоволство на присутните верници и љубители на македонскиот фолклор.
Во пресрет на големиот христијански празник “Успение на Пресвета Богородица”, вечерва во 20:00 само за вас голем музички празник кој совршено ќе се вклопи во моментот на сплотеност, единство и верба…верба дека “Лешочкиот Фолк Фест” уште долги години ќе опстои и живее во име на нашиот фолклор како составен дел на македонската култура и традиција…како составен дел од самите нас!!!
