Кога фолк пејачката Стојне Николова најави дека станува невеста, сите помислија дека конечно ја нашла својата сродна душа. Честитки летаа од сите страни, фановите се прашуваа кој е среќникот, а некои дури и почнаа да се облекуваат за свадба.
Но, што се случи? Само неколку дена подоцна, мистеријата беше откриена – ова не беше свадба, туку нешто уште подобро! Новата песна „Најлична невеста“ ја раздрма македонската сцена, а веселата атмосфера во видеоспотот нè натера да се фатиме за чаша и да наздравиме како на вистинска свадба.
Музиката и аранжманот се дело на Инан Неџипович, а текстот го напиша ненадминливиот Орце Зафировски – тим кој гарантира хит! Видеото, пак, е вистинска раскошна свадбена бајка, снимена под режисерската палка на Арт Студио продукција.
Со оваа песна, Стојне не само што ги изненади сите, туку и докажа дека знае како да направи шоу. Песната веќе е хит на Балкан Мјузик телевизија, а ако сè уште не сте ја слушнале – време е – можеби не е ваша свадба, ама гарантирано ќе ви дојде да заиграте!
