На само дваесетина дена после концертот за кој сè уште се зборува низ Скопје и Македонија, Влатко Лозаноски – Лозано повторно ја погоди публиката право со силна емоција… ама овој пат и во ритам.
Новата песна „Минус и плус“, во соработка со 2Bona, веќе кружи низ етерот и полека, ама сигурно, се лепи за уво. Комбинацијата е интересна – препознатливиот вокал на Лозано, споен со модерниот урбан звук на 2Bona, создава микс што звучи свежо, но и познато на најдобар можен начин.
„Во етер е новата песна… Уживајте“, порача Лозано кратко и скромно на социјалните мрежи – ама публиката веќе си го кажа своето: ова ќе се врти.
Зад песната стои проверената екипа – Лазар Цветкоски, кој заедно со 2Bona го обликува музичкиот дел, додека текстот е дело на Магдалена Цветкоска Ена. Тим што очигледно знае како да направи баланс меѓу „минус“ и „плус“.
И ако концертот беше доказ дека Лозано е еден од најсилните вокали кај нас, „Минус и плус“ покажува дека знае точно каде оди – напред, и тоа со стил.
Слушај, пушти на repeat и кажи: Дали ова ти е новиот омилен хит?
Текстот го подготви: Иван Јосимовски
