Заљубени, расположени и „напоени“ од убаво македонско вино – така и оваа недела ќе нè пречека новото издание на музичкиот серијал „На Здравје“, кој продолжува да ја слави македонската песна, традиција и заедништво.
На фреквенцијата на Балкан Мјузик телевизија, гледачите ќе имаат можност да уживаат во уште една епизода исполнета со многу игра, искрена песна и внимателно одбрани македонски музички имиња – уметници кои со својата енергија и автентичност оставаат силен печат на домашната сцена.
„На Здравје“ не е само музичка емисија, туку приказна за моментите што се паметат – кога песната има подлабоко значење, храната станува повкусна, а времето поминато со семејството и блиските добива посебна вредност. Токму тие мигови, споделени со чаша вино и македонска песна, се срцето на овој серијал.
Затоа, подгответе се за уште една топла и искрена музичка вечер. Нека ни е „На Здравје“ – во недела во 20:00 часот, само на Балкан Мјузик телевизија.
Текстот го подготви: Иван Јосимовски
