Традиционално, и оваа година, нашата и ваша единствена и најгледана музичка телевизија во Македонија – Балкан Мјузик телевизија, ја сними својата голема новогодишна програма, која ќе се емитува вечерта на 31 декември, токму кога сите заедно ќе ја испраќаме старата и ќе ја дочекаме Новата 2026 година.
Во духот на долгогодишната традиција и препознатливиот телевизиски стил, студиото на Балкан Мјузик ТВ беше исполнето со позитивна енергија, насмевки, музика и празнична атмосфера, а оваа година низ новогодишната програма продефилираа повеќе од 70 познати македонски музички имиња од различни генерации и музички правци.
Меѓу бројните гости, ќе имате можност да ги видите и слушнете Стојне Николова, Група Круна, Миле Кузмановски, Марјан Коцев, Браќата Нуне, Ленче Кукиќ, Анета Љумаковска, Елена Велевска, Јордан Митев, Лени Партикова, Елена Јовческа, како и уште многу други етаблирани и омилени изведувачи, кои со своите настапи ја направија атмосферата во студиото вистински празнична.
За време на новогодишната програма, гледачите ќе уживаат во најголемите македонски фолк-хитови, безвременски песни кои ги обележале новогодишните ноќи низ годините, но и во весели, разиграни моменти исполнети со хумор, спонтани реакции и заедничка забава – и пред и зад камерите.
Балкан Мјузик телевизија и овој пат ветува дека дочекот на Новата 2026 година ќе биде посебен, оригинален, интересен и исклучително забавен, со програма која ја слави македонската музика, традицијата и празничниот дух.
Што точно сè ќе има во новогодишната програма, продуцентите засега не откриваат, но едно е сигурно – публиката ја очекуваат многу изненадувања, искрени насмевки, одлично расположение и вистинска музичка магија.
Доколку сакате Новата година да ја започнете со добра музика, позитивна енергија и македонски хитови, тогаш новогодишната програма на Балкан Мјузик телевизија е вистинскиот избор за вашата празнична вечер.
Текстот го подготви: Иван Јосимовски
