На 15-ти декември 2025 (понеделник) со почеток во 20 часот, во Македонската опера и балет (МОБ) ќе се одржи голем солистички концерт на познатата македонска етно-фолк пејачка Елена Андоновска.
Оваа уметничка вечер ќе биде вистинско музичко доживување за сите љубители на македонската изворна и модерна фолк музика. Андоновска, која зад себе има богата музичка кариера и бројни хитови, на сцената ќе ги испее своите најголеми песни, но и ќе приреди низа музички изненадувања специјално за својата публика. Пејачката со својата моќна интерпретација и препознатлив стил важи за една од најценетите изведувачки на етно и фолк сцената во Македонија, а нејзините настапи секогаш се исполнети со емоции и силна енергија.
Дали концертот ќе вклучи и гостински изведувачи, кои песни ќе се најдат на репертоарот, и како ќе изгледа целата вечер – останува да се открие во следниот период. Едно е јасно: вечерта на 15-ти декември ќе биде резервирана за вистински музички спектакл.
Продажбата на влезници за големиот концерт ќе започне наскоро, а сите детали ќе бидат објавени ексклузивно на Балкан Мјузик. Затоа останете со нас и бидете меѓу првите кои ќе дознаат сè што подготвува Елена Андоновска за оваа посебна вечер.
Текстот го подготви: Иван Јосимовски
