Познатиот и популарен македонски фолк пејач Мите Стоилков повторно ги изненадува своите обожаватели. Овој пат, тој најавува нова песна придружена со видеоспот, чие официјално промовирање е закажано за 10-ти април.
Судејќи според краткиот тизер кој веќе е достапен на неговите социјални мрежи, станува збор за емотивна балада, внимателно спакувана како музички и визуелен производ. Она што дополнително го зголемува интересот е фактот што видеото е во реализација на Арт Студио продукција – екипа позната по својата професионалност и квалитетни проекти.
Иако деталите за самата песна сè уште се чуваат во тајност, од најавата може да се почувствува препознатливата емоција и стил на Стоилков, кој повторно покажува дека знае како да ја допре душата на публиката.
Што точно подготвил овој пат Мите Стоилков, останува да видиме на 10-ти април. Во меѓувреме, погледнете го тизерот што ја најавува новата песна и видеоспот:
