На 13-ти август во Битола се одржа јубилејот на модното студио „Шанел“ – 35 години организација на музички и модни настани. На ракометното игралиште во Битола јубилејот беше одбележан со Фестивал на македонски фолк хитови во изведба на познатите македонски музички имиња: Јордан Митев, Татијана Стефановска, Елена Велевска, Туше, Катерина Брезева и Група Соната, Татјана Лазаревска, Дани Даниела, Кире Науновски, Анета Арсовска, Анастасија Митровска, Ташко Каранфиловски и Астра Бенд, Зорица Дончев, Ангела Влинтовска, Софија Пуровска и специјалниот гостин од Австралија Симе Брич.
Јубилејот започна со сплет ора на млади играорци од КУД „Везилка“ од Новаци. А изведувачите беа придружувани од Оркестарот Маестрал и Империјал Бенд.
Настанот го следеа околу 1.000 посетители, а наскоро ексклузивно гледачите на најгледаната музичка телевизија во Македонија – Балкан Мјузик ќе можат да го проследат и на тв програмата.
Инаку, модното студио „Шанел“ е надалеку позната агенција која што до сега има организирано голем број на музички настани како во Македонија, така и во Европа и Австралија. Како што не информираат од „Шанел“ тие се веќе во завршни подготовки за турнеја ширум Австралија со наши познати македонски актуелни музички имиња, а за кого се станува збор… ќе информираме во текот на следните денови на Балкан Мјузик телевизија.
Се надеваме и искрено веруваме дека и оваа закажана турнеја ќе биде одлично организирана од страна на тимот на „Шанел“. А ние од Балкан Мјузик телевизија и Арт Студио продукција им упатуваме искрени честитки и им посакуваме се најдобро во она што го организираат во идниот период со нашите познати македонски музички имиња.
Текстот го подготви: ПР тимот на Балкан Мјузик телевизија
Фото: Добри Цветановски
