Секоја недела, точно во 16:15 на Телевизија Алфа и во 20:00 на Балкан Мјузик, македонската музичка сцена оживува низ ритамот на најубавите ора и песни во емисијата „На здравје“. Оваа недела не беше исклучок – со вистинска еуфорија, маестрални изведби и атмосфера што никого не остави рамнодушен.
Вечерта започна со легендарното македонско оро „Иневска гајда“, мајсторски отсвирено од младиот Петар Трајков, во придружба на Групата Круна. Доказ дека македонскиот дух и традицијата продолжуваат да живеат низ новите генерации!
Орде Неделковски, домаќинот на ова музичко патување, најави вистинска фешта – спој на старото и новото, на искусните и младите, на сето она што ја прави македонската музика безвременска.
Музички бисери се редеа еден по друг: легендарниот Петар Нечовски со „Ти се моме идеално“, младата и харизматична Гордана Костоска со безвременската „Ако умрам, нека изгорам“, Немања Денчиќ со „Дали знаеш, паметиш Милице“, а Спасен Силјановски со веселата „Зар не ти е жал бе либе“ внесе вистинска енергија во студиото.
Настапите продолжија со сензационалната Дани Даниела и нејзината „Две срца“, прекрасниот дует Кристина и Слободан Трајкови со „На срце ми лежи, мила мамо“, додека Витруоз Бенд нè потсетија на магијата на „Тинке Катинке“.
Но, кулминацијата дојде со младата, но веќе докажана Елена Јовческа – нејзината гајда, во комбинација со Групата Круна, го разбуди вистинскиот македонски темперамент, создавајќи незаборавна атмосфера.
За крај, „Малешевско оро“ во изведба на Влатко Ѓоргиев и маестралниот Џељо стави печат на уште едно незаборавно музичко дружење.
Ако пропуштивте – не грижете се! Сите настапи ве чекаат на YouTube каналот на Балкан Мјузик, а музичките приказни за „На здравје“ продолжуваат и на порталот Музика24.
До следната епизода – уште повеќе музика, традиција и забава!
