Драган Којиќ Кеба уште еднаш покажа дека знае како да ја крене атмосферата – без разлика дали е на сцена, студио или… во авион.
На неодамнешен лет за Белград, Кеба ги изненади сите патници кога стана од своето место и почна да се однесува како стјуард, демонстрирајќи ги безбедносните процедури со толку сериозен израз и театарски движења, што никој не остана рамнодушен. Ситуацијата брзо се претвори во извор на смеење, а видеото кое го снимаше неговата колешка Љупка Стевиќ веднаш стана вирално на социјалните мрежи.
„Капетан Кеба ги придружува патниците на летот за Белград“, напиша Љупка со насмевка.
Но, тоа не е првиот пат Кеба да ја разубави атмосферата на неочекувано место. За време на снимање на една епизода од „Ѕвездите на Гранд“, кога дојде до прекин на струјата, наместо тишина – следеше мини концерт. Со добро познатото: „Ајде, песна!“, Кеба го запеа својот хит, а публиката веднаш се придружи.
Кога Кеба е во близина, дури и непланираните моменти стануваат спектакл – токму затоа публиката го обожава.
