И оваа недела единствената и најгледана македонска музичка телевизија Балкан Мјузик продолжува со најгледаниот музички серијал „На Здравје“, кој од епизода во епизода ги освојува гледачите ширум регионот. Во деветтата епизода од петтата сезона, емисијата подготвува уште едно незаборавно музичко доживување со најпознатите и најомилени изведувачи од македонската фолк сцена.
Гледачите ќе имаат можност да слушнат голем избор на македонски народни песни, внимателно одбрани и изведени од гостите кои специјално за ова издание го посетија нашето студио. Некои од најпознатите фолк класици, но и песни кои ги чуваат македонската традиција и дух, ќе бидат дел од вечерта исполнета со емоции, спомени и автентична музика.
Деновите може да се пократки, но викендите исполнети со семејството и најблиските се најдолги и најтопли. А токму магијата на македонската народна песна создава неповторлива атмосфера во секој дом.
Затоа и оваа недела, со почеток во 20:00 часот, уживајте во новата епизода на „На Здравје“ – емисија која ја одржува традицијата, ги слави македонските музички вредности и го зближува семејството пред малите екрани.
Нека ни е на здравје и оваа недела – само на Балкан Мјузик ТВ!
Текстот го подготви: Иван Јосимовски
