Замислете место каде што македонската музика живее и дише во полн сјај, каде што старите хитови се среќаваат со новите надежи, и каде што секој може да се опушти и да ужива во звуците на својата татковина. Тоа е „На здравје“, музичката емисија која веќе четврта сезона ги освојува срцата на гледачите на Балкан Мјузик ТВ и Алфа ТВ!
Секоја недела, „На здравје“ ви нуди патување низ македонската музичка ризница. Од народни песни до модерни фолк и поп хитови, од заборавени мелодии до најновите музички откритија, оваа емисија има по нешто за секого. А најдобро од сѐ е што целата музика се изведува во живо, со многу страст и љубов!
Во првите три сезони, „На здравје“ соработуваше со различни македонски групи и бендови, но оваа сезона довербата им ја даде на Групата „Круна“. Под водство на харизматичниот Орде Неделковски „Круна“ се грижи за одлична музичка придружба на сите гости во емисијата. Но, Орде не е само одличен музичар, туку и одличен водител! Тој со својот шарм и спонтаност создава опуштена атмосфера во студиото, а воедно и нѐ изненадува со своите вокални способности.
„На здравје“ е место каде што се промовираат новите македонски таленти и се слават музичките легенди. Во текот на емисијата, ќе имате можност да ги видите и слушнете вашите омилени музички имиња, како Спасен Силјановски, Елена Јовческа, Влатко Ѓоргиев и многу други.
Не пропуштајте ја „На здравје“ секоја недела! Премиерно на Алфа ТВ во 16:15 часот и на Балкан Мјузик ТВ во 20 часот. И не заборавајте, сите песни од емисијата се достапни и на YouTube каналот на Балкан Мјузик ТВ.
Придружете ни се и заедно да ја прославиме македонската музика!
