Со длабока тага ја споделуваме веста дека на 70-годишна возраст, по тешка болест, почина Саша Поповиќ – основачот и уметничкиот директор на „Гранд“ продукција.
Роден на 24 април 1954 година во Нови Сад, Поповиќ остави неизбришлив белег во музичката индустрија, менувајќи ја сцената и давајќи можност на многу млади уметници да го остварат својот сон. Како визионер и професионалец, тој беше клучна фигура во развојот на регионалната музичка сцена, создавајќи нова ера во музичката индустрија.
Поради неговата смрт, вечерва не беше емитувана првата епизода од третиот круг на популарното натпреварување „Ѕвездите на Гранд“. Од продукцијата „Гранд“ соопштија дека деталите за комеморацијата и погребот ќе бидат дополнително објавени.
Со неговото заминување, музичкиот свет загуби голем човек, но неговото наследство ќе продолжи да живее низ генерациите што доаѓаат.
